Lodzda o‘zbek to‘qimachilik xabi ochildi va unda 20 dan ortiq tadbirkor ishtirok etdi.

Yengil sanoatni rivojlantirish agentligi direktori Nozimjon Xolmurodov boshchiligidagi delegatsiya Polshaga tashrifi doirasida Lodz shahrida maxsus savdo xabini ishga tushirdi. Ushbu infratuzilma o‘zbek to‘qimachilik mahsulotlarini Yevropa Ittifoqi bozorlariga to‘g‘ridan-to‘g‘ri chiqarish va logistika zanjirini qisqartirish uchun xizmat qiladi.

Shuningdek, Namangan viloyatining "ART SOFT" kompaniyasi o‘zining yangi shourumi va omborxona majmuasini ochdi. Tadbirkorlar u yerda mahsulotlarni saqlash, namoyish qilish va elektron savdo platformalari orqali sotish mexanizmlari bilan tanishdilar.

Yangi xabda yaratilgan sharoitlar mahalliy eksportchilarga Polsha va boshqa YeI davlatlaridagi yirik importyorlar bilan to‘g‘ridan-to‘g‘ri shartnomalar tuzish va raqobatbardoshlikni oshirishga yordam beradi.

Shu hafta Polshadagi yangi savdo xabi orqali o‘z mahsulotingizni Yevropaga eksport qilish shartlari va logistika tariflarini Agentlik mutaxassislaridan aniqlang.

📸 Instagram: https://instagram.com/biznesvaqti.uz 📘 Facebook: https://facebook.com/1136966643121839